حبيبي ما بدك تيجي تخطبني ؟

مرحبا يا جماعة ..

في حوار دائر بين شخص ومحبوبته ..

الشاب : مرحبا يا عسل , كيفك وشو أخبارك ؟

الفتاة : تمام حبيبي أنا منيحة نوعاً ما !! كيفك انت ؟

الشاب : والله ماشي حال الحمدلله .

الفتاة : حبيبي ممكن أسألك سؤال ؟

الشاب : تفضلي ولو عيوني اسألي شو ما بدك !!!

الفتاة : هلأ لو طلبت منك تيجي تخطبني بتقدر ؟

الشاب : مش عارف شو أحكيلك ، أنا بقدر أخطبك بس حالياً ما بقدر .. لانه أول
شي
ما معي فلوس حق المهر وأنا بسعى لإني أحوش حق المهر .. وأكون نفسي مشان
أقدر أتزوجك ،
وتاني شي في عندي ظروف أهلي ما بقدر .. بس ليش يعني هيك استعجلتي مش احنا
حكينا لما تتخرجي ؟

الفتاة : حبيبي لو بتحبني تعال اخطبني ..

الشاب : صدقيني أنا بحبك وبموت عليكي وبدي اياكي ، بس ليش مش مقدرة ظروفي ؟

الفتاة : انت ليش هيك أناني ؟ انت ما بتحبني ..

الشاب : مين حكى هدا الكلام معقول كل هادي المدة واحنا مع بعض وما بحبك
طلعت بالآخر أنا غلطان ؟

الفتاة : لو بتحبني كان جيت خطبتني ..

الشاب : حبيبتي مشان الله افهميني ليش انتي هيك ؟ بحكيلك ما بقدر أخطبك هلأ
خليها شوي لقدام ..

الفتاة : خلص عن جد انت ما بتحبني وما بدي أحكي معك .. يلا سلام حبيبي ما بدك تيجي تخطبني ؟ P0z28770

الشاب : حبيبتي استني ..

الفتاة : Signed out .. سجل خروجه للأسف ..

المحادثة هادي من تأليفي لكن هدا الواقع اللي بشوفه
بعيني بالذات في بلدنا بغزة ..

بصراحة في هيك نوع من البنات بتفكر انه ازا هو ما بقدر يخطبها بهادي الفترة
صار بده يتحجج مشان يتهرب ..
هيك هم بيفكروا .. بس الوحدة ما بتعرف انه مستعد الواحد فينا يبيع كل شي
بحياته مشان خاطرها ومشان خاطر انه يعيش مبسوط معها ..

بس للأسف بتلاقي في بنات كتير ما بفكروا الا بأنفسهم وما بتقدر ظروف الشخص
اللي هي بتحبه ..

النقاش مفتوح وللجميع .. ورجاءا بدون تجريح وسوري ازا أنا أخطأت بحق
الصبايا بس هدا اللي بشوفه بجد بحياتنا كلنا ..

احترامي للجميع وتفضلوا